Uzbekistan Global Scale & Outsourcing Conference — Warsaw

Uzbekistan Global Scale & Outsourcing Conference — O'zbekistonning IT eksporti va biznes jarayonlarini autsorsing (BPO) sohasidagi xalqaro strategik anjuman bo'lib, 16-iyun kuni Polshaning poytaxti Varshavada bo'lib o'tadi. Tadbir IT Park Uzbekistan tomonidan tashkil etiladi.

Anjuman GBS (Global Business Services) rahbarlari, operatsion direktorlar, BPO va IT kompaniyalari vakillari — ya'ni yangi yetkazib berish lokatsiyalarini baholayotgan qaror qabul qiluvchilar uchun mo'ljallangan. O'zbekistonni Yevropa bozori uchun istiqbolli autsorsing yo'nalishi sifatida tanishtirish asosiy maqsad hisoblanadi.

Tadbirda O'zbekistonning IT eksporti, dasturiy ta'minot ishlab chiqarish, o'yin sanoati, logistika va Yevropaga yo'naltirilgan autsorsing imkoniyatlari keng muhokama qilinadi.