Digital Champions — Buyuk Britaniyadagi O'zbekiston IT Hamjamiyati Uchrashuvi

Digital Champions — Buyuk Britaniyada yashovchi va ishlayvchi o'zbek IT mutaxassislari uchun mo'ljallangan maxsus networking uchrashuvi. Tadbir 9-iyun kuni Londondagi O'zbekiston Elchixonasida bo'lib o'tadi va IT Park Uzbekistan tomonidan tashkil etiladi.

Uchrashuv davomida O'zbekistonning raqamli transformatsiya yo'lidagi yutuqlari, IT Park tashabbislari va xalqaro hamkorlik imkoniyatlari muhokama qilinadi. Alohida e'tibor Tech Ambassador dasturiga qaratiladi — bu dastur xorijdagi o'zbek IT mutaxassislarini vatani bilan bog'lashga xizmat qiladi.

Tadbir xorijdagi o'zbek IT hamjamiyati vakillari, outsourcing sohasidagi mutaxassislar va xalqaro IT hamkorlikka qiziquvchilar uchun noyob platforma hisoblanadi. London shahridagi o'zbek texnologiya jamiyatini yanada mustahkamlash maqsadida o'tkaziladigan bu uchrashuv diaspora va professional networking uchun muhim imkoniyat yaratadi.