Uzum bank-/5

Uzum Bank — Uzum milliy raqamli ekotizimiga tegishli internet-bank, uning servislaridan har oy 12 mln.dan ortiq Oʻzbekiston aholisi foydalanadi.

Uzum Bank mahsulotlari yordamida foydalanuvchilar pul mablagʻlarini xavfsiz boshqaradi: mamlakat ichida va xorijda tovar va xizmatlar uchun onlayn va oflayn toʻlov qiladi, keshbek ishlaydi, pul oʻtkazadi va naqd pul yechib oladi.

Visa bilan hamkorlikda biz bozor uchun noyob mahsulot — yangilanuvchi limitga ega Uzum debet kartasini rivojlantirmoqdamiz. Undan istalgancha foydalanish: hamkorlardan nasiyaga tovar xarid qilish yoki Uzum kartaga mikroqarz oʻtkazib, oddiy pul kabi sarflash mumkin.

Uzum bank vositalari butun mamlakat boʻylab tadbirkorlarga mijoz topishga, tovarlar va xizmatlar uchun toʻlov qabul qilishga hamda shaxsiy biznesni rivojlantirishga yordam beradi.

Uzum Market va Uzum Tezkor bilan integratsiya Uzum ekotizimining qoʻshimcha bonuslari va afzalliklaridan foydalanish imkonini beradi.