Uchinchi Inklyuziv biznes-forum

Inklyuziv biznes-forum – O‘zbekistonda inklyuziv mehnat amaliyotlarini rivojlantirish uchun biznes va jamiyatni birlashtiruvchi platforma. Bu yerda kompaniyalar va ekspertlar har kim o‘z salohiyatini ro‘yobga chiqarishi mumkin bo‘lgan ish muhitini yaratish bo‘yicha tajriba almashadilar.

Forum haqida

Inklyuziv biznes - haqiqatmi yoki istiqbolmi?

Inklyuzivlik va xilma-xillik biznesning muhim tendensiyalari va barqaror rivojlanish mezoniga aylanmoqda. Lekin O‘zbekistonda bu soha qay darajada rivojlangan? Uning rivojlanishiga qanday to‘siqlar xalaqit beradi?

Forum - bu biznes va jamiyat o‘rtasidagi muloqot maydoni. Bu yerda biz nogironligi bo‘lgan shaxslarni ish bilan ta’minlash uchun ko‘proq imkoniyatlar yaratish va inklyuziv biznes amaliyotlarini joriy etish masalalarini muhokama qilamiz.

Dasturda allaqachon inklyuziya tomon qadam tashlagan kompaniyalarning keyslari, HR, korporativ ijtimoiy mas’uliyat va mehnat huquqi bo‘yicha mahalliy va xalqaro ekspertlarning chiqishlari o‘rin olgan. Birgalikda haqiqiy muammolarni tahlil qilib, yechimlarni topamiz.