Red Bull Basement Uzbekistan 2026: Xorazm

Yosh innovatorlar va startapchilar uchun mo‘ljallangan global texnologik tanlov — Red Bull Basement O‘zbekistonda hududiy sayohat shaklida boshlanadi. Tadbir Xorazmda 1-fevral kuni bo‘lib o‘tadi. Ushbu loyiha yoshlar uchun sun’iy intellekt (AI) asosida dunyoni yaxshilashga qodir innovatsion g‘oyalarni ishlab chiqish va ularni xalqaro maydonda taqdim etish imkoniyatini yaratadi. 
 

Loyihaning maqsadi — yoshlarni ijodiy fikrlashga undash, texnologik startaplarini rivojlantirishga yordam berish va global ekspertlar bilan tarmoq (networking) imkoniyatini taqdim etishdir. Ishtirokchilar mentorlik sessiyalarida yetakchi mutaxassislar bilan uchrashadi, g‘oyalarini takomillashtiradi va o‘z startaplarini real bozorga chiqarish bo‘yicha tajriba oladi. Shu orqali barcha hududlardan yoshlar o‘z g‘oyalarini taqdim etish imkoniyatiga ega bo‘ladi. 
 

Milliy bosqich g‘oliblari Toshkentdagi fevral finaliga yo‘llanma oladi. Jahon chempionlari esa Silikon vodiysiga sayohat qilishi va Microsoft hamda Red Bull tomonidan qo‘llab-quvvatlanish imkoniga ega bo‘ladi.


Loyihada ishtirok etish uchun oldindan ro‘yxatdan o‘tish talab qilinadi.