GSMA M360 Eurasia Samarkand

20–21-may kunlari Hilton Samarkand Regency mehmonxonasida GSMA M360 Eurasia 2026 — Yevrosiyoda telekommunikatsiyalar va raqamli rivojlanish kelajagini muhokama qilishga bag‘ishlangan eng muhim xalqaro platformalardan biri bo‘lib o‘tadi.

Forum bugungi kunning o‘zida bozorni shakllantirayotgan mavzalarni muhokama qilish uchun soha rahbarlari, xalqaro kompaniyalar va davlat tashkilotlari vakillarini birlashtiradi. Ular orasida sun’iy intellekt, 5G, raqamli infratuzilma, data-markazlar va internetdan foydalanish imkoniyatlarini kengaytirish kabi yo‘nalishlar mavjud.

🗣Spikerlar orasida:

• John Giusti — GSMA’ning daromadlar bo‘yicha direktori (CRO)
• Sherzod Shermatov — O‘zbekiston Respublikasi raqamli texnologiyalar vaziri
• Kaan Terzioglu — VEON guruhi bosh direktori
• Alexey Borodin — Aloqa sohasidagi mintaqaviy hamdo‘stlik bosh direktori
• Alex Sinclair — GSMA’ning texnologiyalar bo‘yicha direktori (CTO)
• Aamir Ibrahim — Jazz / JazzWorld bosh direktori
• Almazbek Kadyrkulov — Alvarez & Marsal direktori
• Omer Abdullah Karagozoglu — Turkiya Axborot va kommunikatsiya texnologiyalari boshqarmasi (BTK) kengashi raisi va prezidenti

🔈Tadbir davomida generativ sun’iy intellekt, barqaror raqamli ekotizimlar hamda mintaqadagi texnologik hamkorlikning yangi formatlariga alohida e’tibor qaratiladi.

OAV vakillari uchun maxsus kod — M360PRGSMA ko‘rsatilgan holda ro‘yxatdan o‘tish formasi orqali alohida press-akkreditatsiya tashkil etilgan.